المدعو احمد سبايدر و الخرم الذى سببه له وائل غنيم 
كالعادة قناة العاهات الي يطلق عليها قناة "الفراعين" استضافت عاهة جديدة من العاهات الموجودة في مصر وهو شخص غريب يدعي "احمد سبايدر" الشخص ده "اللي بيقولوا عليه مغني" عامل حملة اسمها "ضد التيار" ومؤسس صفحة "وائل غنيم عميل وبالدليل" المهم صاحبنا ده ,,, "وائل غنيم" و"اسماء محفوظ" حارقينه قوي وعاملين له "خرم" في دماغه
ليه بقي؟ لانه هو كمان شارك في الثورة "زي ما بيقول" ومحدش عبرة ولا حد فوضه يتكلم باسم الثورة زي وائل غنيم.
علي فكرة ممكن اي حد ماشي يقولك انا شاركت في الثورة بس اكيد اللي شارك في الثورة كان موافق علي كل مطالبها اذن لماذا الشخص ده اللي اسمه احمد سبايدر يهاجم الثوار لانهم طلبوا اقالة احمد شفيق "اللي كان جزء من الثورة المضادة وكلنا عارفين كدة كويس" ولماذا يقول علي الثورة التي دعا اليها وائل غنيم "فوضي خلاقة" وان وائل غنيم يقدم "السم في العسل" وانها "مؤامرة علي مصر"
يبقي ازاي انت شاركت فيها وكنت مقتنع وموافق علي مطالبها طالما هي مؤامرة علي مصر "مش حاجة تحير"
انا هاقولك يا سبايدر انت محدش عبرك ليه بس بعد مانشوف الفيديو ده
ليه بقي؟ لانه هو كمان شارك في الثورة "زي ما بيقول" ومحدش عبرة ولا حد فوضه يتكلم باسم الثورة زي وائل غنيم.
علي فكرة ممكن اي حد ماشي يقولك انا شاركت في الثورة بس اكيد اللي شارك في الثورة كان موافق علي كل مطالبها اذن لماذا الشخص ده اللي اسمه احمد سبايدر يهاجم الثوار لانهم طلبوا اقالة احمد شفيق "اللي كان جزء من الثورة المضادة وكلنا عارفين كدة كويس" ولماذا يقول علي الثورة التي دعا اليها وائل غنيم "فوضي خلاقة" وان وائل غنيم يقدم "السم في العسل" وانها "مؤامرة علي مصر"
يبقي ازاي انت شاركت فيها وكنت مقتنع وموافق علي مطالبها طالما هي مؤامرة علي مصر "مش حاجة تحير"
انا هاقولك يا سبايدر انت محدش عبرك ليه بس بعد مانشوف الفيديو ده
زى ما واضح فى الفيديو اسلوب هذا الشخص المستفز وعدم موضوعيته وثقافته المحدودة وافتقاده ايضاً لادب الحوار الذى لا يمثل ابدا اخلاق الثورة بس العيب مش عليه لوحده انما ايضا العيب على تلك القناة التى تتوالى فضائحها وتتساقط شعبيتها الضئيلة فى الاصل ، وسذاجة الحوار وسياقته الوضيعة وافتقاده لاى جوهر
نشوف بقي صورة المناضل الثائر احمد سبايدر اللي زعلان ان الناس بتحب وائل غنيم وانه مشهور و كمان بيتهمه انه عميل وماسوني وانه مرتاح ماديا ومش محتاج يعمل ثورة وانه متأمر علي مصر وغيرها من الاتهامات اللي احنا عارفينها
ملحوظة:
انا وضعت رتوش ولون اسود علي اجساد الفتيات اللي معاه عشان انا محترم وزوار المدونة محترمين وعلي فكرة دي اكثر صورة محترمة ليه وكان فيه صور اكتر من كدة ليه ولبنات "بيدعي انهم الفانز بتوعه" في اوضاع مخلة منتشرة في الانترنت وقد حذفتها حرصا علي الاداب العامة
يا سلام لا فعلا مناضل بس اصله كان خرمان شوية ومحتاج كأسين عشان يعدل الطاسة
- وعندي ليك شوية اسئلة اخيرة يامناضل نفسي اعرف اجابتها منك:
تعرف انت ايه عن الماسونية؟ وماهو دليلك علي ان وائل غنيم ماسوني؟ اوعي تقولي التيشيرت اللي هو لابسه والنبي,عشان انت لو قولت التيشيرت هيتقال عنك كلام وحش لان التيشيرت ده تيشيرت عادي جدا "ماركة Giordano" زيها زي "nike" و"adidas" وغيرهم كتير وبلاش الحظاظة لان نصف شباب مصر لابسين حظاظات ههههههههههه
سبايدر "خد فطيرك"
إرسال تعليق